Таалайбеков муниципалдык инспекцияда айлык канча экенин айтты

Мирлан Таалайбеков (Царикаев) Бишкек шаардык кеңешинин экономика, бюджет, финансы жана инвестициялар боюнча туруктуу комиссиясынын жыйынында муниципалдык инспекциядагы айлык маянанын өлчөмүн билдирди.

Таалайбековдун айтымында, анын жетекчилигинде 105 кызматкер иштейт, инспекциянын кызматкерлери 60 миң сомдон жогору маяна алышат.

Ал ошондой эле муниципалдык инспекцияга кадрларды кабыл алуу үчүн конкурс жарыяланганын эске салды. Пландалгандай, штаттык бирдиктердин саны 160 адамды түзөт.