ЕАЭБде жумушсуздук дээрлик 14%га кыскарды. Кыргызстанда абал кандай

ЕАЭБ өлкөлөрүндө жумушсуздук жыл ичинде 13,9 пайызга кыскарганын Евразия экономикалык комиссиясынан кабарлашты.

2023-жылдын декабрына карата биримдик өлкөлөрүндө 709,8 миң адам (жумушчу күчүнүн 0,8 пайызы) расмий жумушсуз деп катталган. Бул көрсөткүч 2022-жылдын декабрында 824,3 миң болчу. Жумушсуздук Казакстандан башка ЕАЭБдин бардык өлкөлөрүндө кыскарган.

Кыргызстанда жумушсуздардын саны 67,6 миң адамга жетет. 2022-жылдын декабрында мындай макамга 74,7 миң адам ээ болчу.