Корумдуда каза болгон эки альпинисттин сөөгүн алып түшүштү

Чоң-Алай районундагы Корумду чокусунда жоголгон альпинисттердин эки мүчөсүнүн сөөгүн алып түшүштү. Бул тууралуу издөө-куткаруу тобунун мүчөсү Александр Смирнов билдирди.

Анын айтымында, үчүнчү альпинист дагы деле изделип жатат.

«Сөөктөрдү ыктыярчылар тобу Сары-Таш айылына түшүрүштү. Эми Ош шаарына жеткирилет. Ал жерде маркумдардын өздүгү аныкталат», — деди ал.

Эске салсак, Максим Полянский, Николай Свиридов жана Сергей Рубцов 1-августта Корумдуга чыгып, кайтып келишкен эмес.