Кыргызстанда жогорку окуу жайларга кабыл алуунун үчүнчү туру башталды

«Абитуриент online» автоматташтырылган маалымат системасынын маалыматына ылайык, абитуриенттерди каттоо 29-июль күнү саат 14:00гө чейин уланат.

Белгилей кетсек, кабыл алуунун алгачкы эки турунда абитуриенттерден 61 миңден ашык электрондук талон катталган.

Анын ичинде:

21,6 миңи — бюджеттик орундарга;

39,5 миңи — контракттык окууга.

Жогорку окуу жайлар 41,6 миң абитуриентти окууга кабыл алууга сунуштаган.

Тандаган адистиги боюнча окууга болгон ниетин 30 миңден ашык адам тастыктаган:

23,7 миңи — контракттык негизде;

6,4 миңи — гранттык негизде.

Кабыл алынгандардын арасында эң көп тандалган багыттар:

педагогикалык жана гуманитардык адистиктер;

экономика жана каржы;

медицина;

маалыматтык технологиялар;

юриспруденция.

Жалпысынан кабыл алуу кампаниясы беш турда өтөт. Быйыл мамлекет тарабынан болжол менен 10 миң гранттык орун каралган.