Акыл үч жолу кемийт: капаланганда, уйкусуздук басканда жана курсак ачканда
Белгилүү адамдардын «бир сөзү»…
Кереметтин керемети — мыкты тарбия алган бала. (Эпиктет)
***
Жакшы мүнөз күткөн балдар — бактылуу балдар! (Оскар Уайлд)
***
Эгер адамдар өздөрүнө жакпаган нерселер менен алек боло берсе, анда ийгиликке жетүүсү кыйын болот. (Дейл Карнеги)
***
Убада берсең, убарасына чыда. (Кыргыз эл макалы)
***
Балалык — бул баары кызык болуп турган кез. (А.Ривароль)
***
Балдардын сүйүүгө жана кам көрүүгө эң муктаж болуп турган убагы — алардын буга татыктуу болбой турган учуру. (Э.Бомбек)
***
Балдар чоң адамдарга ишенген үчүн үйрөнүшөт. Ал эми күмөн саноо ишенимден кийин келет. (Людвиг Витгенштейн)
***
Адамдардын эң жакшысы — башкаларга пайдалуу болгону. (Хадистен)
***
Балдар жердин жандуу гүлдөрү гана эмес, аруу сезимдин мөмөсү дагы… (Тамара Клейман)
***
Балдарыңдын кандай экенин билгиң келсе, досторун кара. (Сюнь-Цзы)
***
Акыл үч жолу кемийт: капаланганда, уйкусуздук басканда жана курсак ачканда. (Эл сөзү)
***
Балалык өзүнүн келечеги менен кызык. (Н.А.Островский)
***
Адам канчалык көптү билсе, башкалардын пикирине ошончолук аз кошулат. (В.Швебель)
***
Өзүңдү тааный билүү — улуу акылмандык. (Галилео Галилей)
***
Балалык-бул көптөгөн суроолордун, мүмкүнчүлүктөрдүн жана натыйжалардын убактысы. (Альфред Адлер)
***
Эгер адам кемчиликтерди сындаганды өзүнөн баштаса, башкаларды сындаганга убактысы жетмек эмес. (Омар Хаям)
***
Эмгектенүү зарыл боло тургандай максаттарды коюу керек. Эмгексиз жашоодон ырахат алуу мүмкүн эмес. (А.П.Чехов)
***
Адам баланы эмес, өзүн тарбиялоо керек. Бала дайым ата-энесин көрүп өсөт. (Эл сөзү)
***
Эгер бизге бул дүйнөдө болуп жаткан нерселер жакпаса, өз ой-пикирибизди, дүйнөгө болгон көз карашыбызды өзгөртүү гана жетиштүү. Ошондо гана бизди курчап турган дүйнө өзгөрөт. (Лестер Левенсон)
Даярдаган Элнура Шакирова
