Жалгыз Кыргызстан гана тай-казан менен ойнойбуз деп добуш берди
2020-жылы Туркияда өтө турган Бүткүл дүйнөлүк көчмөндөр оюнунда көк-бөрү оюну тай-казансыз өтө турган болду.
Мындай чечимди Туркияда өткөн Эл аралык этноспорт боюнча үчүнчү жыйынында кабыл алынды.
Форумдун көпчүлүк мүчөлөрү көк-бөрү оюнун тай-казансыз өткөрүүгө добуш беришти. Тай-казанды сөзсүз колдонуш керек деген добушту бир гана Кыргызстан берди.
Буга чейин Кыргызстандын Мамлекеттик спорттук агенттиги Туркияда өтө турган Көчмөндөр оюну Кыргызстандын көк-бөру боюнча Федерациясынын эрежелери менен гана өтө турганын кабарлаган. Алар көк-бөрү оюну тай-казан менен өтүлөөрүн айтышкан.
Ага чейин Эл аралык көк-бөрү федерациясы бул оюндун эрежелерине өзгөртүү киргизишкен эле. Негизги өзгөрүү булар – оюн эки тайм менен 20 минуттан жана тайказансыз өтөт. Ал эми Кыргызстанда бул оюн тай-казан менен 20 минуттан 3 тайм менен өтчү.
Abal.kg
