Сосновка жана Арал постторунда жүк ташуучу унааларга чектөө киргизилди

Бишкек — Ош унаа жолундагы Сосновка жана Арал постторунда жүк ташуучу унааларга чектөө киргизилди. Бул тууралуу Транспорт министрлигинен билдирди.

Сосновка постундагы чектөө кечээ, саат 22:00дон тарта, ал эми Арал постунда саат 21:40тан тарта оор жүк ташуучу унааларга убактылуу чектөө киргизилген.

Азыркы тапта Бишкек-Ош унаа жолунда (Ала-Бел, Төө-Ашуу ашууларында) бороон болуп, тазалоо иштери тынымсыз жүргүзүлүп жатат. Жеңил унааларга жол ачык, каттам бар.

Министрлик кандай кырдаал жаралбасын каршы тилкеге чыкпай, жол эрежесин так сактоого чакырат.