Камчыбек Ташиев: Мен силердин араңарда чоңойгон атчанмын, жерди эч кимге берген эмеспиз

Бугүн Камчыбек Ташиев Кара-Суу районундагы Савай айыл аймагынын эли менен жолугушту. Жолугушууга келген эл Камчыбек Ташиевге буга чейин айтылып  жаткан ар кандай маалыматтар тууралуу суроолорду беришти.

Элди кызыктырган суроолордун көбү коомчулукта  тарап жаткан ар кандай такталбаган  маалыматтар болду. Айрымдары Кыргызстандын жери сатылганы тууралуу да сурашты.

Камчыбек Ташиев Өзбекстан менен Кыргызстандын чек ара маселесин чечүүдө эч кандай жер сатуу болбогонун баштан аяк түшүндүрүп берди.

 «Эч ким эч нерсе саткан жок. Бул болушу мүмкүн эмес. Бул провокаторлордун сөзүн укпаңыз. Мен сизге чындыкты айтып жатам. Мен силердин араңарда чоңойгон атчанмын. Биз эч качан жүз чарчы метр жерди эч кимге берген эмеспиз. Тараган ушактар ​​алардын абийиринде болот. Анын үстүнө мындай нерселер Орозо айында айтылып жатат. Кандай чечимдерди кабыл алгандыгыбызды түшүндүрүп берейин. Эгерде эл, өлкө жетекчилиги, депутаттар аларды жактырбаса, анда чечимдер аткарылбай кала берет. Эң негизгиси эки элдин ортосундагы маселени чечүү керек », — деди ал.

Эскерте кетсек, буга чейин ар кандай туура эмес маалыматтарга ишенген эл Камчыбек Ташиев менен жолугушууну суранышкан. Ташиев бүгүн атайын эл менен жолугушууга барып, баардыгын ачык-айкын сүйлөшүп, элге микрофонду өзү сунганы, элдин мүдөөсүн укканы, аларга так маалыматты бергени жакшы болду.

Тилекке каршы, мурда көп учурда бийлик менен элдин ортосунда диалог болбой нааразычылыктар чыгып келген эле.

Камчыбек Ташиевди эл жакшы кабыл алып, анын өз оозунан такталган маалыматты угуп, ыраазы болуп, тынч тарап кетишти.