Белгилүү казак жазуучусу жана акыны Мухтар Шаханов дүйнө салды

Казакстандын жана Кыргызстандын эл жазуучусу, акын Мухтар Шаханов дүйнөдөн кайтты. Бул тууралуу 20-апрелде Казакстандын Маданият жана маалымат министрлиги билдирди.

Ал 83 жашта эле.

Мухтар Шаханов 1942-жылдын 2-июлунда Түлкібас районунун Каскасу айылында (азыркы Түркстан облусу) төрөлгөн.

Ал 30дан ашык поэтикалык жыйнактардын автору болгон. Чыңгыз Айтматов менен биргеликте китеп-эссе жана пьеса жазган.

Шаханов СССР Жогорку Советинин эл депутаты, кийин Мажилистин депутаты болуп шайланган. Ошондой эле Кыргыз Республикасында Казакстандын элчиси болуп иштеген жана Бишкек шаарынын ардактуу жараны болгон.