Кыргызстандык футболчулар эртең Тажикстандын командасы менен ойнойт

Кыргызстандын футбол боюнча курама командасы 29-мартта Наманган шаарында Тажикстандын тайпасы менен ойнойт. Бул тууралуу Кыргыз футбол союзунан кабарлашты.

Оюн Navruz Cup 2022 эл аралык турниринин алкагында өтөт. Буга чейин 25-мартта кыргызстандыктар Өзбекстандын спортчулары менен ойноп, 1:3 эсеби менен утулуп калышкан. Жалгыз голду Мирлан Мурзаев киргизген.

Ушул эле күнү Уганда менен Тажикстан курамалары беттешип, оюн 1:1 эсеби менен аяктаган. Буга байланыштуу пенальти уюштурулуп Африка континентинин өлкөсү 5:4 эсебинде жеңүүчү болгон.

29-мартта Уганда Өзбекстан менен беттешмекчи.

Кыргызстандын улуттук курама командасы кечээ Өзбекстандын «Динамо» спорт комплексинде мелдештен кийинки машыгууларды өткөргөн.