Казакстандын президенти Касым-Жомарт Токаев Кыргызстанга келди

Казакстандын өлкө башчысы Касым-Жомарт Токаев Кыргызстанга расмий сапар менен келди. Бул тууралуу өкмөттүн маалымат кызматы кабарлады.

Жогорку даражалуу мейманды «Манас» эл аралык аэропортунан министрлер кабинетинин төрагасы Акылбек Жапаров тосуп алган.

Расмий сапардын алкагында эки өлкөнүн президенттеринин сүйлөшүүлөрү жүрүп, эки тараптуу документтерге кол коюлушу күтүлүүдө.

Евразиялык экономикалык биримдиктин пленардык жыйынына өлкө лидерлери видеоконференция аркылуу катышат.