Футбол боюнча эл аралык мелдеште Кыргызстандын кыз-келиндери 3-орунду алышты

Кыргызстандын футбол боюнча кыз-келиндердин улуттук курама командасы Борбор Азия мамлекеттеринин футбол ассоциацияларынын CAFA Women»s Championship турниринде 3-орунду алды.

Кыргыз футбол союзу маалымдагандай, байгелүү орундардын жыйынтыгы мелдештин акыркы күнүндө чечилген.

Турнирдин жыйынтыгы боюнча 1-орунду Өзбекстандын курама командасы алса, күмүш медаль Иранга ыйгарылган. Ал эми кыргызстандык кыз-келиндер Тажикстандын курама командасын 1:0 эсебинде жеңип, 3-орунга ээ болгон.

Төртүнчү орун Түркмөнстанга буюрса, Тажикстан бешинчи орунду алды. Иран курама командасына мелдештин Fair play сыйлыгы, Түркмөнстан командасына Special Award сыйлыгы тапшырылганы айтылды.