ИИМдин Атайын багыттагы полкунда Мамлекеттик тил күнүнө арналган иш-чара өттү
Мамлекеттик тил күнүнө карата ИИМдин Атайын багыттагы полкунда жана анын аймактык бөлүктөрүнүн арасында ар кандай деңгээлдеги атайын иш-чаралар өткөрүлдү. Анда макал-лакап, эне тил ырларын кѳркѳм айтуу боюнча сынактар уюштурулду.
Ошондой эле, жогорку окуу жайдын студенттеринин катышуусунда концерттик майрам уюштурулду.
Белгилей кетсек, 23-сентябрь — Кыргыз Республикасынын Мамлекеттик тил күнү. Мындан туура 34 жыл мурда, тактап айтканда, 1989-жылы 23-сентябрда Кыргыз ССРинин Жогорку Совети “Кыргыз ССРинин мамлекеттик тили жөнүндө” мыйзамын кабыл алып, андан соң кыргыз тилине Мамлекеттик тил макамын берген. Бул мыйзам 2004-жылдын 2-апрелинде Жогорку Кеңештин Мыйзам чыгаруу жыйыны тарабынан жаңыланып, анда кыргыз тили мамлекеттик тил, ал эми орус тили расмий тил деп жарыяланган.
