Нарында электр автобустар каттай баштайт

Нарын шаарында 16-августтан тарта электр автобустар каттай баштайт. Жол кире 10 сомдон болот. Бул тууралуу президенттин Нарындагы өкүлчүлүгү билдирди.

Электр тогу менен жүргөн 5 автобус бюджеттик насыяга 66 млн сомго сатып алынган. Насыя 7 жылда төлөнүп бүтүшү керек.

Электр автобустардын үчөө РТС чөлкөмүнө, экөө Москва чөлкөмүнө каттайт.

Автобустардын ар бири 36 орундуу, аларда кондиционер, пандустар жана башка бардык ыңгайлуу шарттар бар.