Мурдагы министр Алымкадыр Бейшеналиев 90 күн чет өлкөдө иш сапарда болгону айтылды

Мурдагы саламаттык сактоо министри Алымкадыр Бейшеналиев 90 күн чет өлкөдө иш сапарда болгон.

Бул тууралуу президенттин жана министрлер кабинетинин чечимдерин аткарууну көзөмөлдөө башкармалыгынын башчысы Азамат Осмонов президенттин администрациясынын коллегиясынын жүрүшүндө билдирди.

Анын айтымында, Алымкадыр Бейшеналиев кызматта турган кезинде жалпы 90 күндү түзгөн иш сапарында болуп, иш чаралардан 85 пайыздан ашыгы уюштуруучулук мүнөзгө ээ болгон.

“Урматтуу жаңы жетекчилер, мурдагы жетекчилер баскан жолду баспоого чакырам”,-деди ал.