Кундузбек Сулайманов депутаттарды кызматтык унаадан баш тартууга чакырды

Ал өзү да коомдо кызуу талкуу жаралгандан кийин баш тартканын айтты. 

“Популист болуп жатат деп ойлобогула, мен кызматтык унааны албайм деп чечтим. Анын ордуна айыл өкмөттөргө же соцобъектилерге берели. 1,5 жыл убактыбыз калыптыр, туура көрсөңүздөр баарыңыздарды чакырып кетем”, — деди эл өкүлү.