Мэрия тыгынды азайтуу үчүн аймактан келгендерди коомдук транспортко отургузууну көздөөдө

Муниципалитет Бишкекке ар аймактан келгендерди коомдук транспортко отургузууну көздөөдө.

Бул үчүн Бишкек мэри Айбек Жунушалиев Батыш автобекетинде жана «Бишкек автобекети» ишканасынын аймагында атайын транспорттук карталарды сатуу мүмкүнчүлүгүн иштеп чыгууну тапшырган.

Демилгеге ылайык, борбор калаага келгендер унаасын автобекеттин аймагына калтырып, шаар ичинде жүрүүгө арналган транспорттук картаны сатып ала алышат.

Мындай картаны колдонуу ыктыярдуу болору айтылды.