Спорт
Кыргызстандык мушкер 32 секундада нокаут жасап, $10 000 бонус алды

Кыргызстандык мушкер Шергазы Болотбек уулу (5-0) казакстандык OCTAGON лигасынан бонус алды.
Ал 10-ноябрда Бишкектеги OCTAGON 93 турнирине катышып, анда анын атаандашы өзбекстандык Абзолбек Исахжонов (7-4) болду.
Кыргызстандык мушкер атаандашынын жаагына так сокку ургандан кийин, 31-секундада кармаш токтотулду.
Турнирдин жыйынтыгы боюнча уюштуруучулар Болотбек уулуна UNDERDOG категориясында бонус беришти.
Спортчу өзүнүн социалдык тармактарында бонустун суммасы 10 миң доллар болгонун жазды.



