Коронавирус. Хабиб менен Фергюсондун мушташы болбой калабы?

UFC уюму жакын арада боло турчу үч турнирди белгисиз мөөнөткө жылдырды. Ал боюнча 21-мартта Лондондо, 28-мартта Коламбуста жана 11-апрелде Портленде боло турчу мелдештер коронавирус коркунучунан улам кийинкиге жылдырылды.

Уюмдун башчысы Дана Уайт UFC кеңселери 31-мартка чейин жабыла турганын айтып, бардык кызматкерлерди үйдөн иштөөгө чакырган кат жолдоду.

Катта UFC 249 мелдеши күчүндө экени, балким аны өткөрүү жери алмашуусу ыктымалдыгы жазылган. Эскертсек, россиялык мушкер Хабиб Нурмагомедов менен Тони Фергюсондун мелдеши 18-апрелде Нью-Йоркто өтөрү болжонууда.

Abal.kg