Кытай базарларында коронавирус таралган жарганат менен кескелдирик кайрадан сатыла баштады

Кытайдын  шаарларында жан-жаныбарлар базарлары кайрадан өзүнүн көнүмүш нугуна түштү. Эпидемиянын чокусунан өттүк деп, Кытай бийлиги жарыя кылып, чектөөлөр жумшартылгандан тартып, жапайы жан-жаныбарлар саткан базарлар кадимкисиндей эле иштеп жатат. Өткөн жылдын этегинде дал ушул Кытайдын жапайы жан-жаныбарлар саткан базарларынын бирөөнөн (Уханда) жарганат менен кескелдириктен (панголин) коронавирус чыгып дүйнөнү каптаган деген версия бар. Эми ошондой базарлар эч нерсе болбогондой иштей башташты.

Гуйлинь базарындагы мышык-иттер

Бул туурасында британиялык Daily Mail газетаcы кооптонуу менен жазып чыкты. Газета КЭРдин түштүгүндөгү бир нече шаарларында, арасында Дунгуань (8 миллондон ашык киши жашайт) жана Гуйлинь (дээрлик 5 миллион эли бар) сыяктуу ири калаалары бар, кайрадан ачылган жапайы жаныбарлардын базарларынын жаңы сүрөттөрүн жарыялаган.    

Гуйлинь базарындагы иттер

Британиялык таблоид ошол шаарлардан тартылган бул фотосүрөттөрдү жергиликтүү кабарчылардан алган. Фотосүрөттөр 27-мартта тартылып газетага жиберилген.  

Abal.kg