Кыргызстанда ызгаардуу суук болжол менен 17-январга чейин созулат

Кыргызстанда ызгаардуу суук болжол менен 17-январга чейин созулат. 19-20-январда абанын температурасы бир аз жогорулашы күтүлөт. Бул тууралуу “Кабар” агенттигине Кыргызгидромет борборунан билдиришти.

Синоптиктердин маалыматына ылайык, Бишкек шаарында 12-январда түнкүсүн кар жаашы мүмкүн, күндүз жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетиши күтүлөт.

13-18-январда жаан-чачын күтүлбөйт. Жолдор тоңголок, тайгак болот. Шамалдын багыты өзгөрүлүп турат, ылдамдыгы секундасына 1-6 метрге жетиши күтүлөт.