Суткасына 8 саат уктоо деген ар дайым туура боло бербейт

Күнүнө сөзсүз сегиз саат уктоо керек деген кеңири тараган ишеним ар дайым туура боло бербейт. Мындай пикирин дарыгер Тони Каннингем Infobae басылмасына берген маегинде билдирди.

Анын айтымында, айрым адамдар үчүн беш же алты саат уйку эле жетиштүү болушу мүмкүн. «Кээ бирлеринин биологиясы менен физиологиясы ушул убакыттагы уйкуну да оптималдуу эс алуу катары кабыл алат», — деп түшүндүрдү Каннингем. Ошол эле маалда, айрым адамдарга суткасына 11 саатка чейин уктоо зарылдыгы бар экенин адис белгиледи.

Каннингемдин айтуусунда, уйкуга болгон муктаждыкты аныктаган негизги фактор — жаш курак. Балдар жана өспүрүмдөр, эреже боюнча, көбүрөөк укташат. Тескерисинче, улгайган адамдар аз убакыт уктоо менен эле өздөрүн толук эс алгандай сезе алышат, — деп жыйынтыктады дарыгер.