Бүгүн кечинде Бишкекте айрым троллейбустар жүрбөйт, бирөөнүн багыты өзгөрөт

12-апрелде саат 19:00дөн тартып 11- 17- троллейбус каттамдары убактылуу токтотулат. Бул тууралуу Бишкек шаардык мэриясы билдирди.

Мындан тышкары, 10-троллейбус каттамы жарым-жартылай өзгөртүлүп, ал  «Фрунзе» заводунан 8-кичи районуна чейин жүрөт.

Бул чара «Асанбай» бурулуш акыркы пунктунда канализациядагы иштерге байланыштуу кабыл алынды.

13-апрелден тарта бардык троллейбустар линияга чыгып, кадимки режимде иштей баштайт.