Мэрия самокаттардын ылдамдыгын азайтып сатууну сунуштады

Бишкектин мэриясы электросамокат саткан компанияларга алардын ылдамдыгын саатына 15 чакырымга чейин чектөөнү сунуштады.

Буга чейин ижарага бергендер өз ыктыяры менен саатына 25 чакырым жүргөн ылдымдыкты 15ке түшүргөн. Тиешелүү токтомдун долбоору азырынча күчүнө кире элек.

Ошол эле учурда мэрия эгер мындай транспорт каражаттарынан болгон жолдогу кырсыктар азайбаса, электр чыгырыктарга толук тыюу салуу мүмкүнчүлүгүн да жокко чыгарбай турганын билдирди.