Таласта милиция кызматкерлери мыйзамсыз ок атуучу куралдарды сактаган жаранды кармашты
Талас ШИИБнөТалас ОИИБнын КМКга түшкөн маалымат боюнча Талас шаарынын тургуну “Ж” аттуу жаран өзү жашаган турак жайында мыйзамсыз ок атуучу куралдарды, ок-даарыларын сактап жүргөн. Бул тууралуу Талас ОИИБнин басма сөз кызматы билдирди.
Маалымат Талас ШИИБнүн КЖБРне катталып, Кыргыз Республикасынын Жазык Кодексинин 253- беренесинин 2-бөлүмүндө каралган кылмыштын белгилери менен сотко чейинки өндүрүш иши ачылган.
Сотко чейинки өндүрүш иши боюнча кызматкерлердин ыкчам иш алып барууларынын натыйжасында шектүү адамдын өздүгү такталып, ал Талас шаарынын тургуну 1993-жылы туулган К. уулу Ж. экендиги аныкталган.
Талас шаардык тергөө судьясынын тинтүү жүргүзүүгө уруксат берүү жөнүндөгү токтомунун негизинде, 2021-жылдын 24-сентябрь күнү Талас шаарынын Ж.Бейшеналиев көчөсүндө жайгашкан турак үйгө тинтүү жүргүзүү учурунда мал сарайынан 1 даана “ИЖ-18Е” үлгүсүндөгү 12 калибрлүү мылтык, 1 даана 16 калибрлүү мылтык, 1даана кесилип атайын даярдалган кесилген мылтык (обрез), гильза жана бычак табылып алынган. Алынган курал-жарактар боюнча соттук-баллистикалык экспертиза дайындалып, тергөө амалдары жүрүп жатат. Кармалган жаран тергөөдө сурак берүүдө.
