Бишкектеги айрым райондордо жаратылыш газы өчүрүлөт. ТИЗМЕ
Бишкек шаарынын айрым райондорунда жаратылыш газы өчүрүлөт. Бул тууралуу «Газпром Кыргызстан» компаниясынын басма сөз кызматы билдирет.
Маалыматка ылайык, 1973-жылы ишке берилген жер алдындагы орто басымдагы газ өткөргүчүндө газдын сызылып чыгуусу аныкталгандыктан, 2021-жылдын ноябрь айындагы төмөн температураны жана күзгү-кышкы жылытуу сезонун эске алуу менен убактылуу газдын сызылып чыгуусу токтотулган. Аба ырайынын жылышы менен 28-марттан 1-апрелге чейин Мурманск — Алыкулов көчөлөрүнүн кесилишкен аймагында жайгашкан газ өткөргүчтөгү газдын сызылып чыгуусун токтотуу иштери жүргүзүлөт.
Өткөрүлө турган иштерге байланыштуу төмөнкү көчөлөрдүн аймагында газ өчүрүлөт: Алыкулов, Киров, Абакан, Фрунзе; Баетов көч., 1 дарегиндеги «Продимпекс» ЖЧКсы.
«Газпром Кыргызстан» компаниясы жарандардан түзүлгөн ыңгайсыздыктар үчүн кечирим сурайт.
