Бүгүн Кыргызстандын футболчулары өзбекстандыктар менен ойнойт

Кыргызстандын футбол боюнча курама командасы бүгүн, 25-мартта, Наманган шаарында өзбекстандыктар менен ойнойт. Бул тууралуу Кыргыз футбол союзунан кабарлады.

Оюн Бишкек убактысы боюнча саат 20:00дө «Маркази» стадионунда Navruz Cup 2022 турниринин жарым финалынын алкагында өтөт.

Курама команданын катарында белгилүү спортчулар: Валерий Кичин, Алимардон Шүкүров, Одилжон Абдурахманов, Фархат Мусабеков, Эржан Токотаев бар.

Мындан сырткары, бүгүн Уганда менен Тажикстандын командаларынын жарым финалдык матчы Бишкек убактысы боюнча саат 16:30да болот.

Билеттин баасы бир күнгө секторуна жараша 270-450 сомдун ортосунда. Билеттер стадиондун кассасында сатылууда.

Түз алып берүү боюнча Кыргыз футбол союзу кошумча маалымат берерин айтты.