Ысык-Атадагы балык кармаган көлмөгө 5 жашар бала чөгүп кетти. Бул тууралуу ӨКМнын маалымат кызматы билдирди.
Маалыматка караганда, кырсык Кеңеш айылындагы балык кармоочу жайдагы көлмөдө болгон. 2017-жылы туулган бала сууга чөгүп кеткендиги тууралуу маалымат түшкөн. Ал жерге 8 куткаруучу тартылып, баланын жансыз денесин суудан чыгарып, туугандарына өткөрүп беришти.
