Бишкектиктерди тейлөө үчүн калаага кеминде 1 500дай автобус керек

Мэриянын Транспорт жана жол транспорт инфратүзүмүн өнүктүрүү департаментинин директорунун орун басары Нурбек Сагынбек уулунун айтымында, Бишкекке  автобус сатып алууга жергиликтүү бюджеттен 1 миллиард сом каралган. Бул акчага 120 автобус алынып,  алар калаага декабрдын башында келет;

Коомдук транспортко Азия өнүктүрүү банкы менен  Европа өнүктүрүү жана реконструкциялоо банкы тарабынан да жарымы грант, жарымы насыя түрүндө акча каражаты каралган. Азия өнүктүрүү банкы берчү акчага 120 электробус алынмакчы;

Европа өнүктүрүү жана реконструкциялоо банкы берчү акчага 240 автобус сатып алуу пландалган.