Бишкекте кафелер менен маршруткалар олчойгон айыпка жыгылышты

Алар санитардык нормаларды бузгандыктан, Бишкек мэриясы  кафелер менен маршруткаларга 2 миллиондон ашык сомго айып салган. Бул тууралуу муниципалитеттин пресс-кызматы билдирди.

Пресс кызматтын маалымдаганына караганда акимиаттардын ыкчам топтору,  мамлекеттик санитардык-эпидемиологиялык көзөмөлдөөчү  борбор  жана санитардык-экологиялык инспекция менен бирдикте,  чарба жүрүгүзүп жаткан  ар бир субъекти кыдырып, бизнесмендер менен түшүнүдүрүү иштерин жүрүгүзүшүп, ошондой эле коомдук унааны текшерип жатышат.

Мамлекеттик санитардык-эпидемиологиялык көзөмөлдөөчү  борбордун кызматкерлери санитардык норманы бузган 791 учурду таап чыгышты. Аларга салынган айыптын жалпы суммасы 1 миллион 289,5 миң сомду түздү.

«Бүгүнкү түндүн ичинде эле санитардык-экологиялык инспекция 34 кафе  менен ресторанды кыдырып чыгып, санитардык норманы бузган  6 учурду таап, 27 миң сом айып салды», — деп айтышты мэриядан.

Маршруткалардын айдоочуларына карата 98 протокол түзүлүп, 98 миң сомго айып салынды. «Мындан сырткаары унаа менен ташуучу жеке менчик компанияларга дагы 9 протокол түзүлүп, 117 миң сомго айып салынды», — дешти муниципалитеттен.

Abal.kg