Өлкөдө айып пул төлөбөй жүргөн жарандардын карызы 12,8 млрд. сомго жетти

Кыргызстанда ар кандай себептер менен айып пул төлөбөй жүргөн жарандардын саны 70 миңдин тегерегинде, алардын баарына чет өлкөгө чыгууга тыюу салынган. 

Анын ичинде алименттен качуу, «Коопсуз шаардын» камераларына катталган жана башка эреже бузуулар бар.

Депутат Дастан Бекешев жол эрежесин бузуп, айыбын төлөбөй, чет өлкөгө чыгышына тыюу салынган жарандар үчүн мыйзам долбоорун иштеп, ал биринчи окуудан өттү. Автор кээ бирлерин 1000-2000 сом үчүн эле аэропорттон өткөрбөй коюп, күйүп жатышканын белгиледи. 

Мыйзам боюнча айып пулду төлөө мөөнөтү өтүп кеткен соң, карыз болгон жаранга өлкөдөн чыгуусуна тыюу салынат. 

@user2