Арча-Бешик жана анын айланасына суу жеткирүү үчүн мэрия жаңы суу өткөргүч кура баштады

Ал аркылуу абоненттердин бир бөлүгү сууну Түштүк-Батыш суу кампасынан ала баштайт. Бул Орто-Алыш скважинасынын ишин жеңилдетет. 

Бишкек негизинен эки скважинадан суу алат. Алар: Ала-Арча жана Орто-Алыш.

Адистердин айтымында, Ала-Арча боюнча көйгөй жок. Маселе Арча-Бешик, Ынтымак сыяктуу көптөгөн жаңы конуштарды жана Бишкектин түштүгүн суу менен камсыздаган Орто-Алыш скваживасында жаралууда. Анын тегерегинде өзүм билемдик менен майда скважиналар казылып кетип, эки жылдын ичинде суунун деңгээли 21 метрге түшкөн.