Акысыз юридикалык кеңеш, Рузахуновдун концерти. Бишкекте зомбулукка каршы маалыматтык кампания өтөт

Бишкекте «Зомбулукка каршы биригели» аттуу маалыматтык-агартуучулук кампания өтөт.

Уюштуруучулардын билдирүүсүнө караганда, иш-чара ушул жылдын 9-июнунда саат 16:00дөн 20:00гө чейинки аралыкта Эмен багында (Курманжан датканын эстелигинин жанында) өтмөкчү.

Саамалыктын алкагында өтчү иш-чаралардын программасы:

• Йога, шахмат жана сүрөт тартуу боюнча мастер-класстар;
• Кызыктуу тематикалык иш-чаралар;
• ШКИД жаштар театрынын оюну;
• Джаз музыканты Викрама Рузахуновдун чакан кайрымдуулук концерти;
• Коомдук активисттердин жана кайрымдуулук фонддордун өндүргөн продукциясынын жарманкеси;
• Акысыз юридикалык кеп-кеңеш.

Иш-чарага катышуу акысыз.

Кампанияны Кыйноолорго каршы коалициясы жана Кыйноолорду алдын алуу боюнча улуттук борбору уюштурууда.