Аскар Акаев пенсияга чыккандан кийин Кыргызстанга келүүнү пландап жатканын айтты

«Бирок азырынча Москва университетинде иштеп турууга күчүм бар экенин сезим турам», — деген 78 жаштагы мурдагы президент ТАСС агенттигине берген комментарийде. 

Акаев 2005-жылы президенттик тактан кулатылган. 2021-жылы биринчи жолу Бишкекке Кумтөр боюнча көрсөтмө берүүгө келген. Ошондон кийин Садыр Жапаров Акаев эл алдында кетирген каталарын толук актаганын айткан. Башкы прокуратура Акаевге каршы кылмыш иши токтотулганын билдирген.