Кызыл-Кыяда лифтке бекилип калган аял куткарылды

Баткенде куткаруучулар бекилип калган лифттен аял кишини алып чыгышты. Бул тууралуу ӨКМдин басма сөз кызматынан билдиришти. 

Маалыматка ылайык, Кызыл-Кыя шаарынын 1-кичирайонунда жайгашкан көп кабаттуу үйдө бекилип калган лифтте аял киши калып калган. 

Аны куткарууга Кызыл-Кыя шаарындагы 4-өзүнчө мобилдештирилген тоо кырсыгынан куткаруу взводунун 9 куткаруучусу барышкан. Алардын ыкчам аракети менен аял бекилип калган лифттен куткарылган.

Белгилей кетсек, жабырлануучу медициналык жардамга муктаж эмес.