Кыргызстан сатып алган 9 орундуу Beechcraft King Air учагы кандай максатта колдонулууда?

Кыргызстан 9 орундуу «Бичкрафт Кинг Эйр» (Beechcraft King Air) учагын сатып алган. Бул тууралуу президенттин администрациясынын маалыматтык саясат кызматынын башчысы Дайырбек Орунбеков социалдык тармактагы баракчасына жазды.

Анын маалыматына караганда, учак эл аралык “Манас” аэропортунун кирешелеринин эсебинен сатып алынган.

Орунбеков «Бичкрафт Кинг Эйр» учагы менен министрлер кабинетинин мүчөлөрү аймактарга ыкчам учуп жетип, жумуштун натыйжалуулугун тездетүү максатында пайдаланып жаткандыгын кошумчалады.