Кадамжайда оор жүк ташуучу Howo унаасы үйдү сүзүп, эки адам каза болду

Кадамжай районунда болгон жол кырсыгы эки адамдын өмүрүн алды. Бул тууралуу Баткен облусунун ЖКККББнын маалымат кызматы билдирди.

Кырсык 1-ноябрда саат 15.20 чамасында Миң-Чынар айылында болду.   Howo   үлгүсүндөгү унаанын 36 жаштагы айдоочусу рулду башкара албай калып үйдү сүзгөн.

«Үйдүн дубалы аялдын үстүнө кулап түшкөн. Кырсыктын кесепетинен жүк ташуучу унаанын айдоочусу жана 57 жаштагы У.С. алган жаракаттарынан улам жеринде каза болушкан. Башка жабырлануучулар болгон эмес», — деп билдирди башкармалыктан.