Акылбек Жапаров: Мамлекет ар бир окуучуга ноутбук алып берүүнү пландап жатат

Ал өкмөт мектептин санариптик трансформациясын ачып жатканын айтты. 

“Биринчи этапта ар бир мугалимди ноутбук менен камсыз кылып, аларды кайра даярдообуз зарыл. Мугалимдер эң алдыңкы адамдардан болууга тийиш. Андан соң ар бир балага ноутбук алып берели деген пландарыбыз бар. Мындай учурда алардын жеке мугалими болуп, билим алууда күнү-түнү мүмкүнчүлүк түзүлөт”, — деди өкмөт башчы. 

Жапаров мындан ары STEM-предметтер (так илимдер) менен англис тили сабактарында Оксфорд жана Кембридж окуу жайларынын китептерин колдонуу күтүлүп жатканын белгиледи.