4-кабаттан өзүн таштоого аракет кылган 29 жаштагы жигит куткарылды

Кызыл-Кыя шаарында 4 кабаттуу имараттан өзүн таштоого аракет кылган жаран куткарылды. Бул тууралуу ӨКМдин басма сөз кызматы билдирди.

Маалыматка караганда, 2-январь күнү саат 14:52де Кызыл-Кыя шаарында 4 кабаттуу имараттын чатырында бир жаран өз өмүрүнө зыян келтирүү аракетин көрүп жаткандыгы тууралуу 101 кызматына маалымат түшкөн. Жерине саат 14:54тө №62 Өрткө каршы куткаруу бөлүгүнөн 3 куткаруучу чыгышкан.

Саат 14:59да куткаруучулар аталган дарек боюнча барган учурда, 1995-жылы туулган Т.Б уулу аттуу шаар тургуну экендиги аныкталып, сүйлөшүүлөрдөн кийин куткарылган жаран 102 жана 103 кызматтарына тапшырылган.