Ноокатка соода-логистикалык борбор куруу пландалууда

Жаңы салына турган борбордо соода-оюн-зоок комплекси, мейманкана, тиричилик буюмдарын, курулуш материалдарын, кийим-кече жана башка товарларды саткан жайлар, кайра иштетүүчү цехтер, кампа, унаа токтотуучу жай жана башкалар болмокчу.

Долбоорду ишке ашыруу үчүн 2 млрд сомдон ашык инвестиция тартуу пландалып жатат. Бирок убактысы так көрсөтүлгөн эмес. Борбор иштеп калса 4 миңден ашык жумушчу орун пайда болорун Мамлекеттик-жеке өнөктөштүк борбору кабарлады.