Рахат Жунушбаева: Өзүңө ишенгенде гана ийгиликке жетесиң

Кыргызстанда биринчилерден болуп лифт куруучу завод ачкан ишкер айым Рахат Жунушбаеванын бизнесте жана жашоодо ийгиликке жетүүгө жардам берген негизги принциптерин жарыялайбыз. Ал бул тууралуу соцтармактагы баракчасына жазган.

1. Башынан баштоодон коркпоңуз. Тажрыйба убакыттын өтүшү менен келет, эң негизгиси окууга жана иштөөгө даярдык.

2. Чыдамкай болуңуз. Өзүңүзгө ишенүү менен тоскоолдуктарды жеңиңиз. Туруктуулук — ийгиликке алып баруучу жол.

3. Күчтүү команда чогулт. Максаттарыңызды колдой турган адистер менен курчаңыз.

4. Акылдуу тобокелге барыңыз. Тобокелдик — бул өсүү мүмкүнчүлүгү. Кайраттуу кадамдарды жасаңыз.

5. Стрессти башкарыңыз. Акылдын ачыктыгы жана чечим кабыл алуу үчүн жумуш менен эс алуунун тең салмактуулугу зарыл.

6. Кыялдарыңа ишен.  Максаттарга жетүүгө болгон ишеним — ийгиликтин ачкычы.

7. Көз карандысыздыкка умтулуңуз. Каржылык көз карандысыздык жана өзүн – өзү өнүктүрүү — ар бир аял үчүн жеке жана кесиптик ийгиликтин негизи болуп саналат.

8. Атаандаштыкты стимул катары колдонуңуз. Эгер ишиңиздин сапатына ишенсеңиз, ал нерсе сизди алдыга жылганга жардам берет.

Ушул принциптер аркылуу мен ар дайым кыйынчылыктарды жеңип, максаттарыма жетем. Эң негизгиси, эч качан токтоп калбаңыз.