Сокулуктагы бакчада 5 жашар кыз уктап жатып чарчап калды

Каргаша 22-октябрда мамлекеттик “Алтын Балалык” бала бакчасында болгон. Милициянын айтымында, бөбөк түшкү уктоонун алдында үшүп жатканын айткандыктан тарбиячы аны кийимчен уктаткан. Кийин кызды ойготкон маалда ал эс-учун жоготкон абалда болгон. Тез жардам кызматы чакырылып, ооруканадагы дарыгерлер кыздын чарчап калганын тастыкташкан. 

Наристенин апасы буга чейин кызы бакчада эле каза болуп калганын соцтармакта жазган. Анализдердин жыйынтыгы кыз кусундусуна чакап калганын көрсөткөн. Ошондой эле каракуш мээге кан куюлуп кеткени аныкталган. 

“Бул жеңил зыян катары бааланып, өлүмгө себеп эмес деп айтылды. Баланын башындагы гематома кайдан экенин билбейбиз. Эмне үчүн кусканы экспертизада көрсөтүлбөптүр”, — деген кыздын энеси. 

Ал чүрпөсү буга чейин оорубаганын белгилеп, милиция кызматкерлери ишке жакшы көңүл бурбай жатканына нааразы болгон. 

Тартип сакчылар бул иш боюнча “Шалаакылык” беренеси менен иш козголгонун билдиришти. Ал эми Билим берүү министрлиги тергөө жүрүп жаткандыктан азырынча комментарий бере албастыгын айтты.