Эмдөөдөн баш тарткан ата-энелердин жоопкерчилиги күчөтүлүшү мүмкүн

Өкмөттө балдар арасында кызамык оорусу боюнча абал талкууланып, Эдил Байсалов Саламаттык сактоо министрлигине кызамыкка каршы эмдөө иштерин күчөтүүнү тапшырды.

“Министрлик эмдөөдөн баш тарткан ата-энелердин жоопкерчилигин күчөтүү боюнча сунуштарды берип, коомчулук менен иш алып барышы керек», — деген Байсалов. 

Өлкөдө 2023-жылы кызамыктын 7 046 учуру катталса, 2024-жылдын апрелине чейин эле 8 209 бала кызамык жуктурганы айтылды. Анын 37,5 пайызынын ата-энеси эмдөөдөн баш тарткан.