Бишкектеги катуу шамалдан улам 24 адам ооруканага кайрылган

Бишкек шаарында жана Чүй облусунда катуу шамалдын кесепетинен 24 адам ооруканага кайрылды. Бул тууралуу Саламаттыкты сактоо министрлиги билдирди.

Анын ичинен 4 бейтап ооруканага жаткырылса, калгандары амбулатордук дарыланууга жөнөтүлдү. Бир бейтаптын абалы орточо оор, калгандарынын абалы канааттандырарлык деп бааланууда. 

Жабырлануучулар ар кандай жаракаттарды алышкан: кесик, сынык, баш мээнин жаракаттары жана башкалар.