Бишкекте эки көчөнүн айрым тилкелери жабылат

Бул тууралуу мэриядан кабарлады.

Маалыматка ылайык, “Бишкек жылуулук тармагы” муниципалдык ишканасы жылытуу мезгилине даярдык көрүүнүн алкагында жылуулук тармактарын реконструкциялоодо.

Буга байланыштуу 15-апрелден тарта Шабдан баатыр көчөсүнүн түштүк тарабы Курманжан датка көчөсүнөн Достоевский көчөсүнө чейин, ошондой эле Фрунзе көчөсүндө Тыныстанов көчөсүнөн Тоголок Молдо көчөсүнө чейинки аралыгы жабылат.

Белгиленгендей, реконструкциялоо иштери этап-этабы менен аткарылып, жылытуу сезону башталганга чейин аяктайт.