Ысык-Көлдө UIM F1H2O дүйнө чемпионатын өткөрүүгө 5 млн доллар жумшалат

Ысык-Көлдө өтө турган UIM F1H2O ылдам кайыктар боюнча дүйнө чемпионатынын этабын өткөрүүгө 5 миллион АКШ доллары сарпталат. Бул тууралуу маалымат жыйынында Туризмди өнүктүрүү боюнча мамлекеттик агенттиктин директору Эдуард Кубатов билдирди.

Анын айтымында, бул каражаттар мамлекеттик бюджеттен эмес, Суу-мотор спорту федерациясы жана спорт коомчулугу тарабынан каржыланат.

Белгилей кетсек, мелдештер 2026-жылдын 31-июлунан 2-августуна чейин Ысык-Көлдө өткөрүлөт. Иш-чарага миңдеген чет элдик жана жергиликтүү күйөрмандардын келиши күтүлүүдө.