Бүгүн Ала-Тоо аянтында музыкалык кече өтөт

Бишкек мэриясы шаар тургундарын жана конокторун жайкы кечтерди музыка жана жагымдуу маанай менен өткөрүүгө чакырат.

Муниципалитеттин маалыматына ылайык, 7 жана 8-августта Ала-Тоо аянтында музыкалык кечелер өтөт. Анда көрүүчүлөр үчүн таланттуу ырчылар жана чыгармачыл жамааттар өнөр көрсөтүшөт.

Иш-чаранын конокторун концерттик программа, сүйүктүү ырлар, жаркын концерттик номерлер жана ачык асман алдындагы жайкы майрамдын унутулгус атмосферасы күтөт.