Жоламан Шаршенбеков Азия оюндарында финалга чыкты

Кыргызстандык спортчу Жоламан Шаршенбеков Жапониядагы Азия оюндарынын финалына чыкты.

Ал бүгүн, 1-октябрда грек-рим күрөшү боюнча мелдеште 60 кг чейинки салмак категориясында күч сынашууда.

Кыргызстандык балбан мелдешти 1/8 финалдык баскычтан баштап, анда кореялык спортчуну мөөнөтүнөн мурда жеңген. Чейрек финалдык беттеште Түркмөнстандын спортчусу Азатжан Очиловду 8:0 эсебинде утуп, жарым финалга чыккан. Ал эми финалга чыгуу үчүн болгон беттеште Ирак өкүлүн дагы мөөнөтүнөн мурда жеңди.

Эми Шаршенбеков финалда өзбекстандык Алишер Ганиев менен беттешет.