Белгилүү экстрасенс, психотерапевт Анатолий Кашпировский көз жумду
3-октябрда белгилүү психотерапевт, экстрасенс Анатолий Кашпировский 87 жашында каза болду.
Ал СССР убагында коомчулукту дүңгүрөтүп, сыналгы аркылуу түз эфирге чыгып, далай адамдардын оорусун айыктырган.
Психотерапевт Анатолий Кашпировскийдин өлүмүнүн себеби ички органдарга метастаздары бар төртүнчү стадиядагы ашказан рагы болгон, деп билдирди анын жээни Юрий Мамаев РИА Новостиге.
Буга чейин психотерапевттин директору Сергей Рудых РИА Новостиге Кашпировский ишемби күнү 87 жашында каза болгонун билдирген.
«Анын төртүнчү стадиядагы ашказан рагы болгон, ал бардык органдарга, анын ичинде өпкөгө жана мээге метастаздары бар болчу», — деди Мамаев.
Ал ошондой эле Кашпировский курч жүрөк жетишсиздигинен жабыркабаганын жана рак диагнозу бир жарым жыл мурун коюлганын белгиледи.
» Анын көп органдары иштебей калган, анткени алар рак процессинен, метастаздардан жабыркаган», — деди Мамаев. Кашпировский менен коштошуу 8-октябрда Москва убактысы боюнча саат 12:00дө Троекуров көрүстөнүнүн чоң залында өтөт.
