Коронавирус. Ысык-Көлдө умрага 11 киши барып келген

Ысык-Көл облусунан умрага (кичи ажылык) 11 киши барып келгенин облустун казыятынан кабарлашты.

Маалымат боюнча 26-февралдан 19-мартка чейин умрага баргандар 11 киши болгон. Алардын үчөө Каракол шаарынан, алты киши  Жети-Өгүз районунан, эки киши Түп районунан.

Казыят умрага баргандардын саны дагы такталып жатканын айтышат.
Бүгүн, 18-мартта, Космосбек Чолпонбаев Кыргызстандын Сузак районунда үч кишиден коронавирус табылганын айткан эле. Анын билдиришинче, алар Сауд Аравияга умрага барып келишкен.

Abal.kg